Անջելինա ՋոուլիForbes հանդեսը հրապարակել է ամենա-ամենաների վարկանիշային ցուցակը: Երկրագնդի ամենահայտնի աստղերի 10-նյակը գլխավորում է ամերիկյան կինոդիվա Անջելինա Ջոուլին: Forbes-ի կոմից անցկացված վերլուծության արդյունքներով այն պարբերականները, որոնց շապիկին պատկերված է Անջելինա Ջոուլին, ապահովում են ռեկորդային տիրաժի վաճառք:
Անջլեինա Ջոուլիի դեքմը ամենագեղեցիկն է աշխարհում,- խոստովանում է դերասան Կլինտ Իստվուդը,- որը նույնիսկ խամրեցնում է նրա դերասանական շնորքը: Այդ պատճառով էլ ամսագրերը պատրաստ են անել ամեն ինչ, միայն թե Ջոուլիի կամ նրա ընտանիքի անդամները տեղ գտնեն հենց իրենց տպագրության առաջին էջերին: Օրինակ'. People-ը եւ Hello!-ն Ջոուլիի նորածին երկվորյակների առաջին նկարները գնահատել են 11 միլիոն դոլար: Էքսքլյուզիվ նկարներում, որոնց ձեռք բերման համար պայքարում էին 1000-ավոր պարբերականներ ամբողջ աշխարհից, պատկերված են Ջոուլին, նրա ամուսին Բրեդ Պիտը, նրանց նորածին երկվորյակները' Նոքս Լեոնը ու Վիվիեն Մարչելին, Անջելինայի աղջիկը' Շիլո Նուվելը, որը ծնվել է 2006 թվականին, ինչպես նաեւ որդեգրված 3 երեխաները: Ի դեպ' «ամենաշատ վաճառվող դեմքերի» ցուցակի 8-րդ հորիզոնականում երկուամյա Շիլո Նուվելն է: Դեռ 2006 թվականին, Շիլոյի առաջին նկարների համար People-ը Անջելինային վճարեց 4 միլիոն դոլար: Ամբողջ գումարը, որը Ջոուլին ձեռք է բերում իր երեխաների նկարների համար, փոխանցում է Աֆրիկայի երեխաներին սատարող բարեգործական կազմակերպությանը:
Անցած տարվա Forbes-յան «ամենաշատ վաճառվող դեմք» Ջենիֆեր Անիստոնը, իր տեղը զիջելով Անջելինա Ջոուլիին, այս տարի այդ ցուցակում զբաղեցնում է 2-րդ հորիզոնական:
