Շնորհավորում եմ բոլորիս քարոզչական թատերաշրջանի բացման առթիվ... Առաքյալները դուրս կգան երթի, ազգափրկիչները ճառեր կասեն, Ղարաբաղը, Մասիսն ու Նախիջևանը մերը կլինեն, նվազագույն աշխատավարձը կդառնա 80 հազար դրամ, բարեկեցության շքեղ խոստումներից կարբենք, կիմանանք, որ գործող նախագահը թալանչի է, վամպիրի նման ծծում է մեր արյունը, կիմանանք, որ մենք աշխարհի ամենազարգացած ազգն ենք, բայց գովազդող չունենք... Փուչիկներ կկախվեն եթերից, ջուր կհորդա ամբիոններից, ծափեր կհնչեն ի պատիվ քաջնազարների... Փառահեղ թատրոն, ուր բեմ կգա վերջին ծաղրածուն ու կասի, որ մենք այս թամաշան շատ լավ խաղացինք...