Քաղաքագետ Ստյոպա Սաֆարյանը ֆեյսբուքյան իր էջում գրել է. «Ռոբերտ Քոչարյանն ակնհայտորեն տեսնում է, որ գնացքը գնում է․ վերքննիչ դատարանում պարտվեց՝ չեղյալ համարվեց Դավիթ Գրիգորյանի հակաօրինական որոշումը, ինքը նորից կալանավորվեց, գործը ՍԴ-ից ետ կանչվեց, Դավիթ Գրիգորյանի լիազորությունները դադարեցվեցին, մարտի 1-ի գործը քննող դատավորը կփոխվի։ ԲԴԽ-ն փոխվեց։ Հրայր Թովմասյանը թեպետ դեռևս իր տեղում է, բայց միջուկային զենքը՝ Վահե Գրիգորյանը, այլևս ՍԴ-ի ներսում է, ճգնաժամը նկատելիորեն թեժանում է ու աշնանը պատկերը կատարյալ է լինելու։ ՄԻԵԴ-ը իր դեմ վճիռ վճիռի հետևից է արձակում։ Նա գիտակցում է, որ այս ամենը հոգեբանական լուրջ հարված է անգամ այն սակավաթիվ մարդկանց համար, ովքեր իր հետ հույսեր են փայփայել։ Եվ ահա, թե ինչու է նա հարցազրույց տալիս, փորձում իր բարոյալքված ու սակավացած աջակիցներին դուխ տալ՝ հրապարակ հանելով նաև Փաստաբանների պալատում ներդրված խմբին՝ ստիպելով նրանց արդեն առաջին գծում կռվել»:
