Կարապետյանի դիրքը ՀՀԿ-ում ինչ-որ չափով հավասար է նույն Սերժ Սարգսյանի դիրքին ու զարմանալի չի լինի, երբ Սերժ Սարգսյանը որոշի գնալ թոշակի այդ ժամանակ կուսակցության նախագահ ընտրվի հենց Կարեն Կարապետյանը:

Շուտով Կարապետյանի նշանակած նախարարները, ովքեր հանրապետական չեն, կանդամակցեն այդ կուսակցությանը: Վերջիվերջո բոլորիս համար պարզ էր , որ վարչապետը և նախարարները անկուսակցական չեն կարող լինել: Իսկ կարծել, թե Կարապետյանը բացի իշխող Հանրապետական կուսակցությունից ուրիշ կուսակցություն կնտրի, մեղմ ասած միամտություն է:

Փաստացի Հանրապետական կուսացկությունը ունենում է երկու ղեկավար, նախկինում մեկ մարդու որոշումներով առաջնորդվող կուսակցության անդամները այժմ կունենան նաև այլընտրանք, քանի որ Սերժ Սարգսյանը ստիպված պետք է հաշվի առնի նաև Կարեն Կարապետյանի կարծիքը, քանի որ կոպիտ ասած նրանք են Կարեն Կարապետյանին հրավիրել իրենց կուսակցություն, ոչ թե որոշների նման նա է խնդրել: Իսկ երբ մարդուն հրավիրում ես քեզ մոտ աշխատելու կամ համագործակցելու ու այդ մարդը քո համար նշանակություն ունի, ապա ստիպված է նաև խաղալ իր օրենքներով:

Ամեն դեպքում մենք ամեն մեկս մեր հույսը պետք է մեր վրա դնենք, մինչև տեսնենք ինչ է կատարվում մոտ ապագայում: Ամեն օր նույն թեմաների մասին խոսել, բողոքել ու ոչինչ չանել, դա հարցի լուծում չէ:

Աշոտ Ասատրյան