Կապույտ կիտը համարվում է կիտերի մեջ ամենամեծ տեսակը: Այն մեր ժամանակների ամենամեծ կենդանին է, ինչպես նաև հավանական է, որ ամենամեծը բոլոր կենդանիներից, որոնք երբևէ գոյություն են ունեցել Երկիր մոլորակի վրա: Նրա երկարությունը հասնում է 33 մետրի, իսկ քաշը զգալիորեն կարող է գերազանցել 150 տոննան: Մեկ օրվա ընթացքում այս հսկան կարող է ուտել 40 միլիոն ծովի մանր բնակիչների: Կապույտ կիտի միայն լեզուն կշռում է 4000 կգ, իսկ սիրտը՝ 700 կգ: Նորածին կապույտ կիտն արդեն կշռում է մոտավորապես 3 տոննա և ունենում է 6-7 մետր երկարություն:
