ԱՌԱՋԱՎՈՐԱՑ ՊԱՀՔ, ՕՐ ՀԻՆԳԵՐՈՐԴ (22 հունվար 2016)
Մեղքերիս խորքը ընկղմած՝ քե՛զ եմ օգնության կանչում, ՏԵ՜Ր:
Ո՜վ ՏԵՐ, լսի՛ր իմ ձայնը,
պաղատանքիս կանչի դիմաց ականջներդ թող բա՜ց լինեն:
Ո՜վ ՏԵՐ, եթե անօրենություններս նկատի պիտի առնես,
ո՟վ կարող է քո առջև արդարանալ, ՏԵ՛Ր:
Սակայն դու մեզ թողություն ես տալիս,
ահա թե ինչու երկյուղածությամբ հնազանդվում ենք քեզ:

Ես ՏԻՐՈՋՆ եմ ապավինում և սպասում՝ իր խոստումին վստահելով:
Ամբողջ հոգով ՏԻՐՈՋՆ եմ սպասում, շա՜տ ավելի ակնդետ,
քան այգաբացին սպասող պահակները,
այո՛, ավելի, քան այգաբացին սպասող պահակները:

Հույսդ ՏԻՐՈՋ վրա՛ դիր, ո՛վ ժողովուրդ Աստծո,
որովհետև ՏԵՐԸ սեր է և փրկելու հազար ու մի կերպ ունի:
Ի՛նքն է, որ իր ժողովրդին պիտի փրկի բոլոր անօրենություններից:
(Սաղմոսներ 129:1-8)

Ռուբեն վարդապետ Զարգարյան