Հոկտեմբերի 6-ին Շիրակի պետհամալսարանի հոգաբարձուների խորհրդի հերթական նիստի օրակարգում ընդգրկված հարցերից ամենակարևորը ռեկտորի նոր ժամանակավոր պաշտոնակատարի ընտրության հարցն էր...Ռեկտորի պարտականությունները կատարող Երվանդ Սերոբյանն օգոստոսին երկու անգամ հրաժարականի դիմում էր ներկայացրել և ՇՊՀ-ում ահնրաժեշտ էր նոր ռեկտորի ԺՊ-ի ընտրություններ կազմակերպել, որը նաև իրավասու է բուհի կանոնադրության մեջ փոփոխությունների առաջարկով հանդես գալ՝ դրանց հիման վրա նոր ռեկտորի ընտրությունները կազմակերպելու համար...


Տխրահռչակ ՀՀԿ-ական Սահակ Մինասյանի ՇՊՀ-ում "նոր մշակույթ" ներդնելուց հետո ՇՊՀ-ն ոչ միայն սնանկացած վիճակում է, այլև չի վերականգնվում այն բարոյահոգեբանական հանգիստ մթնոլորտը, որը կար բուհում մինչև Մինասյանի բուհի ռեկտոր նշանակվելը... Պատճառը՝ Սահակ Մինասյանի և նրա թիկունքում կանգնած ԱԺ պատգամավորներից մեկի մինչ այժմ ակտիվ հակագիտական գործունեությունն է, որը նրանք իրականացնում են Սահակ Մինասյանի ֆան-ակումբի միջոցով...Դրա վառ օրինակը հոկտեմբերի 6-ին ՇՊՀ-ի ռեկտորի ԺՊ-ի ընտության շուրջ ստեղծված իրավիճակն է... Նախ, այդ ֆան-ակումբը, Երվանդ Սերոբյանից փորձում էր բազմաթիվ մեթոդներով ձերբազատվել դեռ 2018 թ-ի օգոստոսի վերջին և սեպտեմբերի սկզբին. ռեկտորի ԺՊ-ի նրանց թեկնածուն՝Հումանիտար գիտությունների և արվեստի "մուտանտ" ֆակուլտետի դեկան Թամարա Մելիքյանն էր՝ ՀՀԿ-ական նախկին պատգամավորներից մեկի մայրը, Սահակ Մինասյանի ֆան-ակումբի կարկառուն ներկայացուցիչը և ինչպես պարզվեց նաև կրթական գործի Կոլումբոս Մինասյանի ոչ հաստիքային օմբուդսմենը, ով ջանադրաբար իր երեկվա ելույթում պաշտպանում էր Մինասյանին' բուհի ծայրահեղ ծանր ֆինանսական վիճակի համար "մեղադրելով" այս տարի դիմորդների թվի պակասին...Ռեկտորի պաշտոնը զբաղեցնելու համար մեծ ախորժակ ունեցող տիկինը մոռացության է մատնում այն հանգամանքը, որ հայաստանյան գրեթե բոլոր բուհերը 10 տարուց ավելի է պատրաստվում էին այս ճգնաժամային տարվան և ոչ մի բուհում այս խայտառակ վիճակը չի ստեղծվել, ինչն առկա է ՇՊՀ-ում...Ավելին, որոշ բուհերում, օրինակ՝ ԵՊՀ-ում, այս ճգնաժամին 15 տոկոսով բարձրացրել են աշխատավարձերը...
ՇՊՀ-ում և ընդհանրապես Գյումրիում շատ լավ են հիշում 2013 թ-ի իրադարձությունները, երբ ՀՀԿ-ական պատգամավորուհու մայրը՝ Թամարա Մելիքյանը և նրա ընկերուհին՝ ՀՀԿ-ական նախկին պատգամավորի կինը՝ Ռուսաց գրականության ամբիոնի վարիչ Կարինե Սուքիասյանը մեծ խնդիրներ ստեղծեցին Օտար լեզուների ֆակուլտետում և բուհի համար...Սույն տիկնայք գնահատականներ էին նշանակել Հայաստանից բացակայող և ՌԴ-ում մեկ տարի գտնվող ուսանողուհի Հասմիկ Ս.-ին, ով, չզարմանաք ,տիկին Կարինեի դուստրն է և պետպատվերով էր ընդունվել Ռուսաց լեզվի և գրականության մագիստրատուրայի առաջին կուրս...Այդ խայտառակ արարքի պատճառով աշխատանքից ազատվեցին այս հարցի հետ բացարձակ առնչություն չունեցող մարդիկ, իսկ մեղավորները,որոնց դեմ Քրեական Օրենսգրքի 308 հոդվածով գործ էր հարուցվել ոչ միայն առանց ամաչելու շարունակեցին աշխատանքը բուհում, այլև պաշտոններ ստացան, այն դեպքում, երբ ռեկտորի կողմից ստացել էին խիստ նկատողություններ և պաշտոններ զբաղեցնելու սահմանափակումներ էին դրվել...Սակայն երեկ պարզվեց, որ ակնհայտ և բացահայտված հանցագործությունը դատախազության կողմից կարճվել է...Տիկին Մելիքյանը ինքն ընդունեց, որ, այո՛, գնահատական է դրել իր ընկերուհու' Հայաստանից բացակայող դստերը, իսկ ՇՊՀ հոգաբարձուների խորհրդի նախագահ Լևոն Բարսեղյանն էլ հայտարարեց, որ քրեական գործը կարճվել է...Հետաքրքիր էր նաև իմանալ, թե ի՞նչ պարագայում է կարճվել ՀՀԿ-ական պատգամավորի մոր դեմ հարուցված քրեական գործը. պարզվեց, որ ինչ-որ դասախոսներ նամակներով դիմել են դատախազին՝գործը կարճելու համար...Զարմանահրաշ երկիր էր Սերժ Սարգսյանի Հայաստանը՝ բեսպրեդելության օրրանը...Մի հավ գողանալու համար մարդուն բանտարկում էին 5 տարով, իսկ ՀՀԿ-ական պատգամավորի հանցագործ բարեկամին ազատ են արձակում և պարգևատրում են՝ նշանակելով բուհում դեկան...
Այսինքն' ստացվու՞մ է, որ ամեն դասախոս կարող է արտասահմանում գտնվող ուսանողին գնահատական դնել և չպատժվել,թե դա վերաբերվում է մերձհհկական բոմոնդին...
Հիմա, իշխանափոխությունից հետո Թամարա Մելիքյանի դեմ քրեական գործը չի վերաբացվելու՞...


Ռեկտորի ԺՊ-ի ընտրությունների արդյունքը ցույց տվեց նաև, որ բուհի կողմից ՀԽ-ում ներկայացված 12 հոգին էլ ամբողջությամբ վերահսկվում են Սահակ Մինասյանի կողմից...Ոչ լեգիտիմ գիտխորհրդի կողմից, որի ոչ լեգիտիմության մասին խոսվեց հաև ԽՀ-ի նիստին, ընտրված 6 ներկայացուցիչները, որոնց ընտրության ժամանակ ևս խախտվել են բուհի կանոնադրության բազմաթիվ կետեր, ապացուցեցին, որ Մինասյանի ֆան-ակումբի մոլի ներկայացուցիչներն են...Այդ մարդիկ չեն ներկայացնում բուհի ամբողջ կոլեկտիվի շահերը և ծառայում են մեկ նպատակի՝ՀՀԿ-ի իշխանության վերադարձին ՇՊՀ-ում,քանի որ գրեթե բոլորը 2017 թ-ի ընտրությունների ժամանակ ցուցակները ձեռքերին 10-15 հազար դրամով ձայն էին գնում ՀՀԿ-ի և հատկապես պատգամավորներից մեկի համար...

Նույն 6 ուսանողները,ենթադրաբար, ևս ծառայում են Մինասյանի շահերին...Մերձսահակյան շրջապատը տիկին Մելիքյանին ռեկտոր կարգելուց հետո, ըստ բուհում պտտվող լուրերի, արդեն որոշել էր, թե ով ինչ պաշտոն է զբաղեցնելու.Երվանդ Սերոբյանին շատ արագ գործից ազատելուց հետո նրա տեղը զբաղեցնելու էր նախկին ամբիոնի վարիչներից մեկը, ով հայտնի էր գումարի դիմաց դասաբաշխումներ անելով, պրոռեկտորի մյուս պաշտոնը խոստացվել էր, ըստ Գյումրիում տարածված տեղեկությունների, դրամաշորթության համար դատապարտված և, ըստ Սահակ Մինասյանի՝տակը վախից միզող ամբիոնի վարիչներից մեկին, իսկ Հումանիտար Գիտությունների և արվեստի ֆակուլտետի դեկանի պաշտոնն էլ պետք է վստահվեր ԳՊՄԻ-ում ինձ անգլերեն դասավանդած մի անգրագետի, որը տարրական սխալներ էր անում դասի ժամանակ...


Ի դեպ, իրեն պրոֆեսիոնալ ռուսիստ համարողին հիշեցնեմ, որ Չինգիզ Այթմատովը ուզբեկ չէ, այլ ղրղզ է...Ամոթ է տարրական բաները չգիտենալը, բայց ավելի ամոթ է, երբ դա ցուցադրվում է ուսանողների մոտ...


Հ.Գ.Այս անգամ ՀՀԿ-ին և Սահակ Մինասյանին չհաջողվեց ռեինկարնանալ Մելիքյանի տեսքով...Սակայն ինչպես ՀՀԿ-ն ԱԺ-ում, այդպես էլ Սահակ Մինասյանը իր ֆան-ակումբով դեռ խնդիրներ ստեղծելու են բուհի և այս իշխանությունների համար...

 

Գագիկ Համբարյան