Տարածաշրջանում իրավիճակի սրումը կարող է ձեռնտու լինել Հայաստանի համար։ Ստեղծված աշխարհաքաղաքական իրավիճակում, բոլոր հակամարտություններ և ռազմական գործողությունների առանցքում մուսուլմանական պետություններն են, որոնց գործողությունները մեծ հաշվով չեն ոգևորվում և խրախուսվում։ Մեր թշնամի հարևանները ամբողջությամբ ներքաշված են ներքին և արտաքին լուրջ խնդիրների մեջ։ Հանդես գալով շահեկան դիրքից, Հայաստանը կարող տարածաշրջանում ստանձնել կայունության պահպանման հուսալի երաշխավորի դերը։ Գերտերություններին արդեն ձեռնտու չէ օրեցոր զարգացող և ինքնուրույն խաղացող Թուրքիան։
Այս պետությունը դարձել է չարիք և գլխացավանք։ Դժվար թե որևէ գերտերության հետաքրքրի Թուրքիայի հետագա գոյատևումն ու ճակատագիրը։ Թուրքիայի մասնատումը գրեթե անխուսափելի է, ինչը բխում է նաև խոշար խաղացողների շահերից։ Հյուսիսատլանտյան դաշինքը ևս առանձնապես մտահոգված չէ այս պետության ճակատագրով։ Ադրբեջանը իր վերջին ռազմական գործողություններով հասկացրեց, որ անվստահելի է թե՛ տնտեսկան, թե՛ ռազմական առումով։
Մյուս կողմից ականատես եղանք, որ ոչ մի պետություն առանձնակի դրական վերաբերմունք չունի այդ պետության նկատմամբ։ Միջազգային կառույցներն ու խոշոր պետությունները անթաքույց ակնարկեցին, որ իրենց միջամտությունները կոչերից ու հայտարարություններից այն կողմ չի անցնելու, և փաստացի պատրաստ են ընդունել կոնֆլիկտների կարգավորման ցանկացած մեխանիզմ։ Մնում է Հայաստանը ցուցաբերի նախաձեռնողականություն, շահի որոշ շահագրգիռ կողմերի վստահությունը և ձեռնամուխ լինի հարևան թշնամիների քայքայման արագացմանը։
Գևորգ Նալբանդյան
