Հին, մամռոտած կամուրջն իդեալական զարդ է ցանկացած բնապատկերի մեջ: Այս առեղծվածային գեղեցկությամբ կամուրջներն այնքան ներդաշնակ են բնության հետ, որ թվում է՝ առանց դրանց վերջինս կիսատ կլինի: Հետաքրքիր է, որ այս կամարային շինությունները դիմանում են միայն իրենց քաշի շնորհիվ: Քարերն այդ դիրքով երկար մնալ չեն կարող, եթե նրանց կողքին չլինեն դրանց սեղմող և պահող մյուս քարերը: Այդ պատճառով էլ նման կամուրջների կառուցման գործընթացը բավականին բարդ է, իսկ հին ժամանակներում՝ առանց ժամանակակից տեխնիկայի, մի ամբողջ արվեստ: