1898թ. հունվարին Վեհափառ հայրապետ Խրիմյան Հայրիկը ժամանում է Թիֆլիս և այցելում նշանավոր բանկատեր ու ֆաբրիկատեր Հովհ. Չիթախյանի ժառանգների մանուֆակտուրային գործարան: Վեհափառին աղուհացով դիմավորում է գործարանի կառավարիչ Մելիք-Դադայանը: Չիթախյանի ժառանգները, ի պատիվ Վեհի, հօգուտ գաղթականների, Հայրիկին են ընծայում գործարանի մեկ օրվա արտադրանքը՝ շուրջ 1200 ռուբլու կտորեղեն: Բացի այդ, բանվորներն ստանում են 100-ական ռուբլի՝ այդ օրը տոնելու և ուրախության խնջույք կազմակերպելու համար:
Մելիք-Դադայանի շենքը /ճարտարապետ՝ Գ. Տեր-Միքելով/ այսօր հանդիսանում է Երկաթուղայիների տուն: