Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Էրդողանի մահապարտը Շուշիում դրոշ դնելու հարց չէ, որ լուծում է, սիմվոլիկայի հարց չէ, որ լուծում է: Շուշիում Էրդողանն է փորձում հարց լուծել, Շուշիում լուծվում է Կովկասի ռազմա-քաղաքական անվտանգային համակարգի առանցքային հարցը: Առաջին օրից նշել եմ, որ այս պատերազմի «հեղինակն» Ալիևը չէ, և ոչ թե որ նա խաղաղասեր է կամ չգիտեմ՝ ինչ, այլ որ նա ոչինչ է այդ մասշտաբի պատերազմ սկսելու և ռեգիոնալ վերաձևումների հարց դնելու համար: Այս պատերազն Էրդողանի պատերազն է, որն սկսել է Կովկասի պատերազմ: Էրդողանն ուզում է ձևավորել Կովկասի ռազմա-քաղաքական անվտանգային նոր համակարգ: Դու կարող ես վերցնել Արցախի հարավն ամբողջությամբ, բայց դա ռազմավարական հեռանկարում առոչինչ է, եթե դու չես տիրապետում Շուշիին: Էրդողանը սիմվոլներով չի մտածում, պետք չի մեզ խաբել: Նա շատ լավ գիտե, որ սա բոլորովին էլ վերջին պատերազմը չէ Կովկասում ու աշխարհում: Աշխարհում չի լինում վերջին պատերազմ: Իսկ Կովկասում ռազմա-քաղաքական լայն իմաստով դոմինանտ է նա, ում պատկանում է Շուշին: Հասկանալի է, որ էս իմաստով խոսքն անվերապահ բացարձակության մասին չէ, այլ ուժերի ռազմավարական հարաբերակցության: Իսկ որևէ անվտանգային համակարգում բացարձակություն չի ձևավորվում, այլ ռազմավարական հրաբերակցություն: Ահա այդ իմաստով Շուշին էդ ռազմավարական հարաբերակցության հիմնարար կետն է ամբողջ արցախյան ռազմա-քաղաքական գոտում մասնավորապես, և Կովկասում ընդհանուր առմամբ: Եվ այդ կետում մեր հերոսական բանակն է, բոլորը տեսան` աշխարհի լավագույն բանակներից մեկը»:
