Քաղաքագետ Հրանտ Մելիք-Շահնազարյանը ֆեյսբուքյան գրառմամբ դիմել է ԼՀԿ ղեկավար Էդմոն Մարուքյանին, Տարոն Սիմոնյանին և խմբակցության մյուս պատգամավորներին ու գրել.
«Որքան հասկանում եմ, ԲՀԿ ֆրակցիան ձեր պատասխանին է սպասում։ Ուղղեք, եթե սխալ եմ։ Ի՞նչ պիտի անեք։ Պիտի հանդուրժե՞ք իրավական պետության ոչնչացումը։ Չպիտի՞ դիմեք Սահմանադրական դատարան։
Ձեր գործելու ժամն է, հարգելի պատգամավորներ։ Հուսով եմ՝ հավատարիմ կմնաք ձեր կոչմանը։ Հուսով եմ՝ չեք հիասթափեցնի։ Միայն ԲՀԿ պատգամավորները չեն սպասում ձեր քայլին։ Շատերս ենք սպասում»։
