«Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը ֆեյսբուքյան իր էջում գրել է. «Նաիրի Հունանյանի գործընկերներն ինքնաբացահայտվում են:
Նախկինում Վազգեն Սարգսյանի «թիմակիցներն» էին շահարկում «Հոկտեմբերի 27»–ը և ձգտում իշխանության, հիմա՝ նորաթուխ հեղափոխականները։
Երկուսի ընդհանրությունն այն է, որ գործել ու գործում են Հայաստանի ու Արցախի դեմ։ Երկուսն էլ սպասարկում են թուրք–ադրբեջանական դուետի շահերը։ Երկուսն էլ ոչ վաղ անցյալում արտահաստիքային հաճախորդներ էին։ Եվ երկուսն էլ հիմա դարձել են Նաիրի Հունանյանի «վկաներ»։
«Հոկտեմբերի 27»–ի գործը պատվիրատուների մասով, իրոք, բացահայտման կարիք ունի, բայց դա պետք է անեն հաջորդ՝ հայաստանակենտրոն իշխանությունները։
Ինչ մնում է ահաբեկիչների գործընկերներին, ապա նրանք հիմա ինքնաբացահայտվում են մեծ արագությամբ՝ շարունակելով մեր երկրի դեմ ահաբեկչությունն արդեն այլ գործիքակազմով»:
