Արցախի հարցում Փաշինյանն անհասկանալի ափալ-թափալ հանդիպումների մեջ է։ Այս մասին Facebook-ի իր էջում գրառում է կատարել ՀՀԿ-ական նախկին պատգամավոր Էդուարդ Շարմազանովը։ Գրառումը ներկայացոնւմ ենք ստորև․
«Ամիսներ շարունակ անդրադարձել եմ Փաշինյանի կառավարության բացթողումներին։
Ժամանակն անցնում է, բայց սխալներն ու թերացումները վեր են ածվում ձախողման․
Կարմիր գծեր,
Պարտադիր կուտակային,
Ներդրումներ,
Տեսախցիկներ,
Թռիչքային զարգացում:
Այս հարցերի վերաբերյալ Փաշինյանն իր խոստումները չի կատարել, իսկ շատ դեպքերում ասել է մի բան և արել հակառակը։
«Հպարտ քայլող» իշխանության խոստումները չիրականացան նաև արտաքին քաղաքական ոլորտում.
Սահմանին գազը թանկացավ,
ՀԱՊԿ-ում գործերը լավ չեն,
ՀՀ-ԵՄ համաձայնագրի վավերացման գործընթացն առաջ չի շարժվում,
Արցախի հարցի հետ կապված Փաշինյանն ու նրա կառավարությունն անհասկանալի ափալ-թափալ հանդիպումների մեջ են։
Հ.Գ. Երեկ ակնհայտ դարձավ ,որ Փաշինյանին առաջիկայում դժվար թե պաշտոնական այցով հրավիրեն դաշնակից Ռուսաստան։
Դա տեսանելի էր նույնիսկ Փաշինյանի շփոթված պատասխանից։
Փաստորեն այստեղ էլ «կախարդական փայտիկն» անզոր գտնվեց։
