«Sport-Express» ռուսական պարբերականի կողմից անցկացվող ամենամյա «Զվեզդա» մրցույթի այս տարվա հաղթող է (ԱՊՀ տարածքի լավագույն ֆուտբոլիստ) ճանաչվել Հայաստանի հավաքականի առաջատար Հենրիխ Մխիթարյանը։ Հպարտություն զգալով Հենրիխի նվաճումներից, մեկ անգամ ևս վերհիշեցի մեր երկրում անցկացված Հայաստանի լավագույն մարզիկների մրցույթը, որում Հենրիխ Մխիթարյան դուրս էր մնացել նույնիսկ լավագույն մարզիկների տասնյակից: Համենայնդեպս, ես մեր երկրի լավագույն մարզիկների եռյակը պատկերացնում էի այսպես. Արսեն Ջուլֆալակյան, Հենրիխ Մխիթարյան, Լևոն Արոնյան (հերթականությունն այդքան էլ կարևոր չէ):