• Հիշեք, որ մարդու անունը իր համար ամենադյութիչ և ամենակարևոր բառն է ցանկացած լեզվով:
  • Եղեք լավ ունկնդիր: Խրախուսեք ուրիշներին՝ խոսելու իրենց մասին:
  • Գործերը խոսում են ամեն տեսակ խոսքերից բարձր, իսկ ժպիտն ասում է.«Դուք ինձ դուր եք գալիս: Դուք ինձ երջանկացնում եք: Ես ուրախ եմ ձեզ տեսնել»:
  • Դուք պետք է ուրախանաք մարդկանց հետ շփվելիս, եթե ուզում եք, որ մարդիկ ուրախանան ձեզ հետ շփվելիս:
  • Ձեր երևակայության մեջ պատկերացրեք այն ընդունակ, հաջողակ մարդուն, ինչպիսին որ կուզենայիք լինել, և ձեր մտքերը ժամ առ ժամ կդարձնեն ձեզ այդպիսին: Միտքը մեծագույն ուժ է:
  • Եթե ցանկանում եք բարեկամներ ձեռք բերել, եկեք մարդկանց ողջունենք ուրախությամբ և խանդավառությամբ: Կիրառեք այդ նույն մեթոդը, երբ որևէ մեկը զանգահարել է ձեզ: «Ալլո» բառը այնպես արտասանեք, որ զրուցակիցը մտածի, թե դուք գոհ եք, որ ինքը ձեզ զանգահարել է:
  • Եթե միայն ջանանք մարդկանց վրա տպավորություն թողնել և նրանց հետաքրքրել մեզնով, ապա երբեք չենք ունենա շատ, իսկական, անկեղծ, բարեկամներ: Բարեկամները, իսկական բարեկամները, այդպես չեն ձեռք բերվում:
  • Ցանկացած հիմար կարող է քննադատել, դժգոհել, և դատապարտել, և նրանց մեծամասնությունը այդպես էլ անում է:
  • Մեծ մարդու մեծությունը երևում է փոքր մարդկանց հետ ունեցած իր վերաբերմունքում:
  • Մարդկանց պարսավելու փոխարեն փորձենք հասկանալ նրանց: Փորձենք պատկերացնել, թե ինչու են նրանք վարվում հենց այսպես և ոչ այլ կերպ:
  • Ինչպիսի արտահայտություն էլ օգտագործեք, երբեք չեք կարողանա ասել այնպիսի մի արտահայտություն, որ ձեզ չբնութագրի:
  • Շողոքորթել նշանակում է ասել մարդուն հենց այն, ինչ նա մտածում է իր մասին:
  • Այն մարդը, որ չի հետաքրքրվում իր եղբայրակիցներով, ամենամեծ դժվարությունն է կրում կյանքում և ամենամեծ վնասն է հասցնում շրջապատողներին: Հենց նման մարդկանց միջավայրում են հայտնվում ձախողակները: