Չափազանց վտանգավոր է, երբ մարդու մոտ բացակայում է սեփական ունակություններն օբյեկտիվ գնահատելու կարողությունը։ Այս մասին ֆեյսբուքյան իր էջում գրել է ՊԲ նախկին խոսնակ Սենոր Հասրաթյանը։
«Չափազանց վտանգավոր է, երբ մարդու մոտ բացակայում է սեփական ունակություններն օբյեկտիվ գնահատելու կարողությունը... Իսկ այդպիսինների պակաս, ինչպես առօրյա կենդանի շփումներում, այնպես էլ սոցիալական տարբեր հարթակներում, գոնե վերջին շրջանում, չի զգացվում... Ավելին, գնալով՝ նրանց թիվն աճում է, իսկ մարտավարությունը՝ դառնում առավել ագրեսիվ... Հատկանշական է նաև, որ այդ մարդկանց ծանրակշիռ մասը՝ անցած հետագծով կամ իրենցից ոչինչ չեն ներկայացնում, կամ, ընդհանրապես չունեն հետագիծ, բայց ունեն սովորություն ամեն ինչի մասին խոսել, գրեթե, Աստծո բարձրությունից...
Նրանք կարող են շարունակ խոսել Երկրից, ժողովրդից, բանակից, քաղաքականությունից և ամենաշատը... արդարությունից, փնովել ու «քննադատել» այն ամենն ու ամենքին, որոնց մասին տեղյակ են ոչ թե տեսածով, այլ, լավագույն դեպքում՝ այս ու այնտեղից լսածով... Եվ ամենավտանգավորը՝ նմաններն անընդունակ են լսելու ցանկացած ընդդիմախոսի, անգամ, եթե նա ասում է այն, ինչ մտածում են իրենք...»,- գրել է Հասրաթյանը:
