Մենուա Հարությունյանն ֆեյսբուքյան իր էջում գրել է․

«Սփյուռքի նախարարությունը հիմնադրեց Սերժ Սարգսյանը՝ հիմնականում հենց Սփյուռքի պահանջով և շատ բնական է, որ մեծաքանակ սփյուռք ունեցող հայ ժողովուրդն իր անկախ պետականությունում ունենա Սփյուռքի նախարարություն, որ ժամանակի ընթացքում դառանալու էր կամուրջ՝ Հայաստանի և սփյուռքի միջև ։

Սփյուռքի նախարարության վերացումը սխալ քայլ է, հակառակը՝ պետք էր էլ ավելի ուժեղացվեր և արդիականացվեր Սփյուռքի նախարարությունը և առհասարակ պետք է Սփյուռքի ներգրավվածությունը մեծացնել ոչ միայն Հայաստանի հասարակական կյանքի տարբեր բնագավառներում, այլ՝ հենց պետական կառավարման համակարգում․ աշխարհի տարբեր երկրներում ունենք մեծ թվով կայացած հայ երիտասարդներ և այս երիտասարդներին պետք է հրավիրել Հայաստան և ներգրավել նրանց պետական կառավարման համակարգում ։

Սփյուռքի նախարարությունն իր գոյության ընթացքում ամրացրել է Հայաստան-Սփյուռք հարաբերությունները, սփյուռքահայ շատ գործիչների տարբեր ձևաչափերով կապել Հայաստանի հետ և առհասարակ Սփյուռքի նախարարությունը դարձել է մեր ամենաարդյունավետ աշխատող կառույցներից մեկը՝ իրականում ունենալով սահմանափակ ֆինանսական ռեսուրսներ...

Ի դեպ պետք է նաև արձանագրենք, որ իր նախագահության շրջանում Սերժ Սարգսյանը նոր որակի բարձրացրեց հայրենիք- սփյուռք հարաբերությունները՝ Հայաստանին վերաբերվող կարևորագույն խնդիրների ժամանակ, ինչպիսին էր օրինակ հայ-թուրքական սահմանի բացումը՝ քննարկումներին մասնակից դարձնելով նաև սփյուռքահայերին, որպեսզի Հայաստանից դուրս ապրող մեր հայրենակիցներն էլ զգան , որ Հայաստանը նաև իրենց հայրենիքն է և կարևորագույն խնդիրներում իրենց կարծիքը ցանկալի և լսելի է Հայաստանի իշխանությունների համար։

Ապագայում մենք վերականգնելու և նոր զարկ ենք տալու Սփյուռքի նախարարությանը»,-գրել է նա։