«Միլիոնավոր ռուսներ խորը ցավը սրտներում ընդունեցին Տու 154-ի ողբերգական կործանումը: Զոհվեցին արվեստագետներ, լրագրողներ, զինվորներ և այս ցանկում նաև՝ Ելիզավետա Գլինկան: Մենք բոլորս գիտենք նրան որպես բժշկուհի Լիզա:
Նա իր կյանքը նվիրեց մի ազնիվ գործի՝ երեխաների փրկությանը: Ունենալով գերազանց բժշկական կրթություն՝ նա կարող էր աշխատել ցանկացած հիվանդանոցում, բայց նախընտրեց ամենաթեժ կետերը: Նա աջակցեց մարդկանց, ովքեր օգնություն չէին սպասում ոչ մի տեղից: Իմ կողմից տրվել է հանձնարարական՝ Գրոզնի քաղաքում գտնվող առաջին հանրապետական մանկական հիվանդանոցն անվանակոչել Ելիզավետա Գլինկայի անունով»,-գրել է Չեչնիայի ղեկավարն Instagram-ի իր էջում:
