Անահիտ Մանանդյանը ֆեյսբուքյան իր էջում գրել է.

 

«Մի քանի ամիս առաջ ֆեյսբուքը ողողվեց Գարիկ Պապոյանի՝ «Wow» ամսագրի շապիկի համար արված կիսամերկ նկարով և վերնագրով, թե իբր նա ինչ-որ կապ ունի համասեռամոլների հետ: Ես նույնիսկ այդ ժամանակ չէի հասկանում, թե ինչի կիսամերկ նկարով տղան անպայման պետք է կապ ունենա համասեռամոլների հետ: Բայց ինչևիցե..

 

Հետո Գարիկը փորձեց անդրադառնալ այդ նկարին ասելով, որ ֆոտոշոփ է, բայց արդեն ուշ էր, ու «ազգիս բոլոր պարկեշտները»ամենաանպարկեշտ բառերով նախշում էին վերջինիս ֆեյսբուքի պատը:
Իսկ հիմա՝ ուշադրություն:

 

Պարզվում ա, որ իրոք կա իսկական՝ 2010 թվականին տպագրված «WOW ամսագիրը», որի շապիկին իրոք Գարիկ Պապոյանն ա, բայց նա լրիվ ուրիշ տեսք ունի: Ավելին ասեմ՝ ունի շորեր:

 

Ստացվում ա, որ իրոք էժանագին ֆոտոշոփի հնարքով և սկանդալային վերնագիր կպցնելով մեր օրերում շատ հեշտ կարելիա մարդու հեղինակության հետ խաղալ :

 

Բայց մենք բոլորս ինչի՞ ենք դրա կուտը էդքան հեշտ ուտում… Ինչի՞ չենք փորձում ստուգել էտ ինֆորմացիայի իսկությունը…
Երբևէ մեզանից մեկը հայտնվե՞լ ա մի իրավիճակում, երբ իր գլխին սարքում են ու ինքը չի էլ հասցնում արդարանա, ու մեկ էլ մի ամբողջ ազգ իրան քարկոծում ա: Աստված չանի հայտնվի…

 

Իսկ ստացվում ա, որ Գարիկ Պապոյանը հենց էդ իրավիճակում էլ հայտնվել էր…

 

Մեզ թողնես ամեն վայրկյան գլուխ կգովենք, թե ինչքան ընտանիք հարգող ազգ ենք…

 

Բայց չէ՞ որ էդ տղան էլ ունի ընտանիք… ունի մեր հասարակության մեջ մեծացող փոքր աղջիկ երեխա…

 

Բա ինչի՞ չենք հարգում, ու, նման տխմար նյութերի վրա հիմնվելով, առանց ստուգելու, սկսում ենք էդ ընտանիքի հիմքը կասկածի տակ դնել…

 

Հետաքրքիր ա, մարդիկ, ովքեր վիրավորանքներ էին գրում, հիմա, ճշմարտությունը իմանալով, կգրե՞ն «կներես»…»