Թրամփը Հիլարիի հետ բանավեճին առաջին շարքի հրավեր է հատկացրել Բիլ Քլինթոնի նախկին սիրուհուն

 

Մի քանի ժամից ԱՄՆ նախագահական ընտրությունների ամենադիտարժան 90 րոպեների ականատեսն ենք լինելու։

 

Այն կարող է սկանդալային լինել։ Բանն այն է, որ օրեր առաջ Քլինթոնի նախընտրական շտաբից հաստատել էին, որ Հիլարին դեբատներին մասնակցելու համար առաջին շարքի հրավեր է ուղարկել Թրամփի անզիջում քննադատ Մարկ Կուբանինի։ Սրա նպատակը Թրամփին հունից հանելն է եղել, քանին որ Մարկի և Դոնալդի ջրերը երբեք մի առվով չեն հոսել։

 

Բայց Թրամփը Թրամփ չէր լինի, եթե հակահարված չհասցներ, այն էլ գոտկատեղից ցածր։
Թրամփը իր հերթին առաջին շարքում նստելու հրավեր է ուղարկել Հիլարիի ամուսնու նախկին սիրուհի Ջենիֆեր Ֆլոուերսին։ Բիլլ Քլինթոնը հաստատել էր 1998-ին՝ իր տասնամյա կապը Ջենիֆերի հետ։
Քլինթոնի նախընտրական շտաբը մտածում է, թե ինչպե՞ս վարվել անկանխատեսելի Թրամփի հետ, քանի որ Ջենիֆերի ներկայությունը Հիլարիին ուղղակի հոգեբանորեն կկործանի։ Չի բացառվում, որ հաջորդ դեբատներին Թրամփը հրավիրի նախագահ Բիլ Քլինթոնի նախկին օգնական Մոնիկա Լևինսկուն։

Սուրեն Սարգսյան