Չեք պատկերցանի, բայց մեր մշնախնել տարվա ամփոփում կազմակերպեց, բայց ոնց հասկացա էտ տարվա ամփոփուման ընթացքում նախարարը եկել էր ասել, որ մենք ոչ մի բանի հետ կապ չունենք: Նրան հարցնում են Գառնու տաճարի վրա գրողի մասին, ինքը թե բա ես մեղք չունեմ: Ասում են մարդիկ ինչու են հրաժարական տալիս, պատասխանում է, որ ինքը դրա հետ էլ կապ չունի՝ ուզում են դիմում են գրում: Էլ ինչ ղեկավար, որ չիմանա իր ենթակաները ինչու են հրաժարական տալիս: Սա ասուլիսի մի փոքրիկ դրվագի մասին. հիմա մի քիչ ուրիշ խնդիրներ հիշենք:

Նախարարին զայրացրել էր Գառնու Տաճարի և Զվարթնոցի փարթիի մասին հարցը: Բա կջղայնան ա, էտ դեպքից հետո մարդուն էլ չեն թողնում այնտեղ փարթիներ կազմակերպի: Ախր մեր Մշնախը չի հասկացել, որ ինքը մշակույթը պահպանելու համար է ու ինքը անշարժ գույքի բռոկեր կամ ակումբատեր չի, որ վարձով կամ օրավարձով Փարթիհաուզներ տա:

Տարվա ընթացքում մի շարք մշակույթային արժեքներ ոչնչացվեցին: Օրինակ՝ Աֆրիկյանների տունը: Հիմա էլ հայտարարում են, թե այդ շենքը կվերակառուցվի իր պատմական տեղից 60 մետր հեռու: Փաստորեն այդ 60 մետրն էր խնդիրը, բա շուտ ասեիք: Քաղշին նախարարը ու Մշնախը իրենք էլ չեն հասկանում ինչ են ասում: Հին Էրիվան թաղամաս պետք է կառուցվեր, որտե՞ղ է այն կառուցվելու: Աֆրիկյանների շենքի պատմական վայրից մի քիչ հեռո՞ւ: Ժողովուրդ ուշքի եկեք մեր ազգին պահողը Եկեղեցին ու մեր մշակույթն է եղել, մի փոշիացրեք այն:

Պետք է փաստեմ, որ քաղաքում մշակույթային կյանք կա, բայց պետք է ցավով նշեմ, որ այդ կյանքում ոչ մի դերակատարում չունի նախարարությունը: Բացի գլոբալ մշակույթային արարողություններից,որոնք իրականում մշակույթի հետ կապ չունեն, մնացած էլիտար մշակույթային միջոցառումներին Մշնախը կամ հյուր է կամ ընդհանրապես ներկա չէ: Չկարողացա այդպես էլ մի քայլ առանձնացնել, որի համար կասեի, այ տեսեք այ էս մեկը տարվա ընթացքում գոնե արեցին: Չկա, եթե ինչ-որ բան էլ կա թերի է:
Ուրախ Ամանոր նաև Մշնախին:

Էդգար Խաչատրյան