Հայ-ադրբեջանական վերջին լարվածությունն, որն ավելի շատ նման էր կարճատև, լոկալ պատերազմի, անշուշտ, իր վրա կրում է ուկրաինական ճգնաժամի հետքը:

Խոսքը բանվ էլ ուկրաինական իրադարձությունների ուղղակի ազդեցության մասին չէ:

Ավելի շուտ գործ ունենք Արևմուտք-Ռուսաստան հարաբերությունների խորքային ճգնաժամի հետ, որպիսին չէր եղել ՙՙսառը պատերազմի՚՚ ավարտից հետո:

Ղարաբաղում 20-ամյա հրադադարը պահպանվում էր, որովհետև ԵԱՀԿ Մինսկի խմբի համանախագահությունը հիմնականում կոորդինացված էր աշխատում ու Ղարաբաղի կոնֆլիկտն այն բացառիկներից մեկն էր, որում աշխարհի ուժային կենտրոնների միջև էական հակասություններ չկային:

Ուկրաինական ճգնաժամը հարվածել է հենց Մինսկի խմբի ձևաչափին, որովհետև Ռուսաստն-Արևմուտք խոր հակադրությունն այլևս չի շրջանցոում ԼՂ խնդրի կարգավորման գործընթացը նույնպես
Սա մեծացնում է պատերազմի վերսկսման հավանականությունը ու կարգավորման գործընթացն որոշակիորեն զրկում լեգիտիմությունից, որովհետև միջնորդներից մեկի որևէ նախաձեռնություն կարող է սվիններով ընդունվել մյուս երկուսի կողմից:

Սուրեն Սուրենյանց