Բոլիվիայում է գտնվում բնության եզակի հրաշքներից մեկը: Խոսքը ՈՒյունի լճի մասին է, որը համարվում է աշխարհի ամենամեծ աղի լիճը(Salar de Uyuni): Իրականում այն վաղուց ցամաքած լիճ է, որ վերածվել է 10 մլրդ տոննայանոց հսկայական աղի պաշարի: Պատկերացրեք 10 000 քառակուսի մետր ձյունաճերմակ հարթություն և ամբողջը աղ: Այս պաշարներն օգտագործվում են ոչ միայն սննդի մեջ, նույնիսկ հարակից հյուրանոցներն ու ռեստորաններն են կառուցված աղե աղյուսներից:Իսկ որն է հրաշքը այս ամենի մեջ. հրաշքը սկսվում է այն ժամանակ, երբ երկինքը սկսում է անձրևել, լճի մակերևույթը պատվում է բարակ ջրի շերտով՝ այն դարձնելով աշխարհի ամենամեծ բնական հայելին: Հայելի, որի մեջ արտացոլվում է երկինքն իր ողջ անծայրածիր լազուրով: Բնության բացառիկ երևույթ, երբ դժվար է տարանջատել երկինքը երկրից, նրանք, կարծես, դառնում են մեկ ամբողջություն: Տարեկան հազարավոր տուրիստներ են այցելում ՈՒյունի՝ վայելելու այս գեղեցկությունը, շատերն են ասում, որ այստեղ, թվում է, կտրվում են Երկրից և մոտենում են Աստծուն: Շ. Մանգասարյան