Ամերիկյան հանրահայտ Google տեխնոլոգիական ընկերությունը ներկայում սեփական փոխադրամիջոցներն է ստեղծում, որոնք ինքնակառավարվող են ու վարորդի կարիք չունեն, գրում է The Telegraph-ը՝ նկատելով, որ չի բացառվում, որ տեխնոլոգիական հսկան տաքսի ծառայություն հիմնի։
The Wall Street Journal-ն իր հերթին գրում է, որ ինքնակառավարվող մեքենաների ստեղծման համար Google-ը համագործակցում է AG և Magna International մեքենաշինական ընկերությունների հետ։
Քաջատեղյակ աղբյուրները նշում են, որ սկզբնական շրջանում Google-ի մեքենաների ղեկին վարորդներ կլինեն, իսկ որոշ ժամանակ անց դրանք կկարողանան ինքնուրույն սպասարկել մարդկանց։
Նմանատիպ 1 մեքենայի ստեղծման համար պահանջվում է միջինը 150 հազար դոլար։ Սակայն ընկերությունը նշել է, որ մեքենաների գինը հնարավորինս մատչելի կլինի։
Վերջերս ընկերությունը 258 մլն դոլարով ձեռք է բերել Uber հավելվածը, որը հնարավորություն է տալիս տաքսի պատվիրել մի քանի րոպեի ընթացքում։