Գիտնականների վերջին ուսումնասիրությունները ցույց են տվել, որ ավելի երկար և երջանիկ են ապրում լավատեսները, բարձրագույն կրթություն ստացսած մարդիկ և ամուր ընտանիք կազմողները: Ո՞րն է տրամաբանությունը:
Գիտնականները պարզել են, որ մարդու սեփական գնահատականն իր ֆիզիկական վիճակի մասին շատ ավելի կարևոր է, քան մասնագիտական ցուցանիշները: Ահա թե ինչու լավատեսները կյանքի ծանր պահերին իրենց շատ ավելի առույգ ու առողջ են զգում, քան իրենց հասակակից հոռետեսները: Մարդիկ, ովքեր գոնե միջնակարգ կրթություն են ստացել, միջինը 6 տարով երկար են ապրում կրթություն չստացած մարդկանցից: Հավանաբար, գաղտնիքն այն է, որ կրթված մարդն իր առողջության պահպանման մասին ավելի տեղեկացված է, հետաքրքրությունների առավել լայն շրջանակ ունի և ավելի ճիշտ է կենցաղ վարում: Ինչ վերաբերում է այս հարցում ընտանիքի դերին, վաղուց է հայտնի, որ ընտանեկան կայուն փոխհարաբերությունները, փոխադարձ սերն ու հարգանքը, դրական էներգիայի հզոր աղբյուր են մարդու համար:
