Վահան Բաբայանի ինքնախոստովանությունը. «Երբ շանը հաց ես տալիս, ուտելուց հետո նա շարունակում է հաչալ»: Թերևս, նույն Վահան Բաբայանին «հաց տվողներն» են վերջինիս հորդորել անխնա քննադատության ենթարկել յուրաքանչյուրին, ով կհամարձակվի թթու խոսք ասել ԲՀԿ-ի հասցեին:
«Հմայակ Հովհաննիսյանի նման ձրիակեր քաղաքական մուրացկանները, որոնց երախտամոռությունը սահմաններ չի ճանաչում, և որոնց մասին չկա մեկը, ով դրական կարծիք ունենա, իսկ այդ դեպքում ավելի լավ է լռել ու չհիշեցնել սեփական գոյության մասին, քան հիշեցնել ու ամեն անգամ արժանանալ բազմահազար մարդկանց նողկանքին»,-սա է ԲՀԿ-ի «արագ արձագանքման խմբի»՝ տիգրանուրիանյանների, վահանբաբայանների ու սրանց օգնականներ կոչվողների ինտելեկտուալ կալիբրը: Համաձայնեք, որ իրենց՝ կանացի էժանագին բամբասանքից չտարբերվող բառապաշարով, սույն անձիք հերթական արջի ծառայությունն են մատուցում ԲՀԿ-ին՝ ևս մեկ անգամ հանրությանը ցույց տալով, թե ովքեր, ինչ բարոյական ու մարդկային որակների տեր անձիք են կանգնած այդ կուսակցության հիմքում:
Վահան Բաբյանն իր ինքնախոստովանության վերջում շատ դիպուկ է բնորոշել իր ու իր նմանների պատճառով ստեղծված իրավիճակը՝ գրելով . «Ցավում եմ, որ մեր իրականության մեջ նման մարդիկ դեռ համարձակվում են կարծիք հայտնել, էլ ավելի եմ ցավում, որ նրանց նման ճղճիմ արարածներին դեռ լսողներ կան»:
Հ.Գ. Չեմ պաշտպանում Հմայակ Հովհաննիսյանին. զայրանում եմ պատգամավոր աշխատող սույն անձի նսեմության վրա ու զարմանում եմ նրան հովանավորող ուժի միամտության վրա:
