Պատմաբան, քաղաքագիտության դոկտոր Արմեն Այվազյանը իր Ֆեյսբուքյան էջում գրել է․
«Ընթացիկ պատերազմի ելքն արդեն որոշված է՝ 2-3 օրից Ուկրաինա պետություն այն քարտեզով, որով կար մինչև այսօր, այլևս երբեք չի լինելու։ Երկրի առնվազն կեսը՝ Դնեպրի ամբողջ ձախափնյակը հռչակվելու է որպես այլ «Ուկրաինա»։ Չի բացառվում, որ զուգահեռաբար կամ ավելի ուշ «գրավվեն» կամ «ազատագրվեն» նաև ինչպես մայրաքաղաք Կիևը, այնպես էլ Դնեպրի աջափնյա շրջանները՝ մասամբ կամ ամբողջությամբ։
Այսպիսով ոչնչացվում է Պակիստանից հետո Թուրքիայի և Ադրբեջանի ամենամտերիմ ռազմական ու ռազմատեխնիկական դաշնակիցը, որն Ադրբեջանին 1992 թվականից ի վեր մատակարարել է ահռելի քանակությամբ զենք ու զինամթերք։ Անձամբ ինձ դա դուր է գալիս։ Հայաստանի ճակատագրի վրա Ուկրաինայի «ապաթուրքացումը» եթե դրականորեն չազդի, ապա հաստատ առանձնապես վատ հետևանքներ էլ չի ունենա»։
