«Այն որ գործող իշխանությունը մաշել է անգամ իր քաղաքական միակ կապիտալը՝ քայլելը, դա կույրին էլ է հայտնի: Բայց արի ու տես, որ անգամ այս դեպքում են գտել միջոց, թե ինչպես մարդկանց ուժի զոռով, սպառնալիքներով ստպեն գալ իրենց երթերին մասնակցել: Մասնավորապես այսօր ՔՊ թիմը Աբովյան խոշորացված համայնքի ՏԻՄ ընտրությունների շրջանակում, նախաձեռնել է քայլերթ:

 

Որպեսզի շատ մասսա երևա, «մարդ բերելու» գործին անձամբ լծվել է Շրջակա միջավայրի նախարար Ռոմանոս Պետրոսյանը, Կոտայքի մարզպետը, Կոտայքի մարզի ՔՊ վարչության անդամները, մի խոսքով բոլորը: Ահաբեկում են մարզի պետական կառույցների բոլոր աշխատակիցներին, անգամ մարդիկ են ցուցակագրում Կոտայքի մարզի այն քաղաքներից և գյուղերից, որոնք չեն մտնում Աբովյան խոշորացված համայնքի կազմում:

 

Բոլորին հրահանգվել է այսօր, նախնական 16:30 լինել ծննդատան տարածքում, բայց զգուշացվել է, որ հնարավոր է քայլերթ չլինի, այլ լինի հավաք, որի մասին հավելյալ կտեղեկացնեն:

 

Հ.Գ. Հետաքրքիր է, իսկ դեկտեմբերի 5-ին, վերահաս պարտությունից հետո, Ռոմանոս Պետրոսյանը ո՞նց է մոլորեցնելու Նիկոլ Փաշինյանին»: