Նոյեմբերի 11-ի ուղիղ կեսգիշերից՝ 00։00-ից սկսած, Ադրբեջանը Գորիս-Կապան ճանապարհի հատվածում մաքսակետեր է տեղադրելու և հայկական պետհամարանիշներով մարդատար և բեռնատար ավտոմեքենաները ստուգելուց, մաքսատուրք գանձելուց զատ շատ հանգիստ կարող է ընդհանրապես արգելել նրանց երթևեկությունը ճանապարհի այդ հատվածով։
Նոյեմբերի 11-ի ժամը 00։00-ից սկսած Սյունիքի Որոտան, Բարձրավան, Շուռնուխ և Առաջաձոր գյուղերը, զրկված լինելով այլընտրանքային երթևեկելի ճանապարհներից, փաստացի հայտնվելու են շրջափակման մեջ, իսկ նրանց բնակիչները՝ պատանդի կարգավիճակում։
Եվ սա այն պարագայում, երբ չի իրականացվել սահմանազատում և սահմանագծում, չկա պետական սահմանի մասին հայ-ադրբեջանական որևէ համաձայնագիր, որևէ փաստաթուղթ, որևէ հիմք։
Այ էսպես, մի ստվար զանգվածի լռության ու անտարբերության ներքո թուրքին են հանձնում մեր հայրենիքը, մեր ճանապարհները, մեր բնակիչներին․․․
