«Գունագեղ» տոնակատարության ամենամեծ «զվարճանքը» կլինի անօդաչուների շոուն։ Անօդաչուների հարվածներից զոհված հազարավոր երիտասարդների հիշատակի «տոնախմբություն» անօդաչուների շոուով։ Այս մասին ֆեյսբուքյան իր էջում գրել է Լեհաստանում ՀՀ նախկին դեսպան Էդգար Ղազարյանը։

«Կարելի էր ենթադրել, որ սեպտեմբերի 21-ին Հանրապետության հրապարակում, անկախ պետականության կործանման առթիվ կազմակերպված համերգին պետք է երգեր Ռուսաստանում Ադրբեջանի դեսպան, Ադրբեջանական ԽՍՀ արվեստի վաստակավոր գործիչ Փոլադ Բյուլբյուլօղլին, սակայն այս իշխանությունների դաժան երևակայությունը նախապատրաստել է ահասարսուռ մի տեսարան։ «Գունագեղ» տոնակատարության ամենամեծ «զվարճանքը» կլինի անօդաչուների շոուն։ Անօդաչուների հարվածներից զոհված հազարավոր երիտասարդների հիշատակի «տոնախմբություն» անօդաչուների շոուով։ Գժվել կարելի է այս սիմվոլիզմից, այն ամենից ինչ մենք տեսնում ենք մեր աչքերով»,- գրել է Ղազարյանը։