Վիքիպեդիայի ռուսերեն տարբերակի խմբագիր Վադիմ Գոմոզն իր ֆեյսբուքյան էջում անհիմն է անվանել ադրբեջանցիների' Արցախի բնակչության ինքնորոշման իրավունքի վերաբերյալ փաստարկը: «Ադրբեջանական կողմում տարածված փաստարկներից մեկն այն մասին, որ «Ղարաբաղի հայերը իրավունք չունեն ինքնորոշվելու, քանի որ նրանք արդեն ունեն Հայաստան», կարելի էր քննարկման հարց դարձնել, եթե չլիներ մեկ «բայց»: Անձամբ Հեյդար Ալիևը ասել է, և հետագայում նրա իրավահաջորդ Իլհամ Ալիևը կրկնել է Թուրքիայի և Ադրբեջանի մասին «Մեկ ժողովուրդ, երկու երկիր» բանաձևումը: Բավականին տարօրինակ է ճանաչել ձեր ժողովրդի իրավունքները երկու երկրների համար և անմիջապես մերժել հարևան ժողովրդի նույն իրավունքը», - գրել է Գոմոզը: «Ավելին, հիշենք, որ ադրբեջանցիներն իրենք չեն սահմանափակվում միայն երկու պետություններով: Նրանք արդեն ունեն «Հարավային Ադրբեջան», «Արևմտյան Ադրբեջան»՝ ճիշտ է, առայժմ միայն գեղարվեստականորեն, բայց ամբիցիաները ցնցող են իրենց մասշտաբներով»,֊ հավելում է Yandex-ը: