ՀՀ վարչապետ Նիկոլ Փաշինյանը իր ֆեյսբուքյան էջում, կիսվելով ԱԺ նախագահ Արարատ Միրզոյանի գրառմամբ, որով վերջինս տեղեկացնում էր իր և ՍԴ նախագահի պարտականությունները կատարող Աշոտ Խաչատրյանի հանդիպման մասին, գրել է․

 

«Սահմանադրական դատարանի տարիքով ամենաավագ դատավոր Աշոտ Խաչատրյանը ստանձնել է Սահմանադրական դատարանի նախագահի պարտականությունները:

Շնորհավորում եմ պարոն Խաչատրյանին, մաղթում նրան հաջողություններ եւ իմաստնություն՝ այս պատասխանատու կարգավիճակում:

Կառավարությունն իր հնարավորությունների սահմաններում կաջակցի, որ անցումային այս շրջանում Սահմանադրական դատարանի գործունեության համար որեւէ խոչընդոտ չառաջանա»։