Կին քաղաքական գործիչներին սեռով պայմանավորված թիրախավորելը թուլության եւ քաղաքական սնանկության հետեւանք է։ Այս մասին Facebook-ի իր էջում գրել է «Լուսավոր Հայաստան» խմբակցության պատգամավոր Մանե Թանդիլյանը: Նա, մասնավորապես, հավելել է. «Կնոջ արժանապատվությունը վիրավորելը՝ որպես քաղաքական քայլ, ոչ միայն անթույլատրելի է, այլ նաեւ դատապարտելի։ Նման անձանց քաղաքական գործունեությունը պետք է մերժվի բոլորի կողմից եւ արհամարհանքը պետք է դառնա այդ մարդկանց արժանի պատասխանը»: