Քաղաքական գիտությունների դոկտոր, պրոֆեսոր Լևոն Շիրինյանը ֆեյսբուքյան իր էջում գրել է. «Հայրենակի'ց.
Պայքարել Արմենոցիդի հետևանքների դեմ, նշանակում է հետ բերել կորցրածը (Վիլսոնի իրավարար վճիռ` տարածքի առումով), ապրել մշակութային վերազարթոնք ու քաղաքական վերակազմություն, Հանուն Հայաստանի ու համամարդկային քաղաքակրթության պատժել ոճրագործ կողոպտչին:
Դա նշանակում է նաև՝ զրկել թուրքին իր այլակերպությունից, մշակութային իր «ինքնությունից»:
Ժամանակին, Կ.Պոլսում 1948թ., գերմանացի արվեստաբան-պրոֆեսոր Ernst Dietz-ը հրատարակեց «Սելջուկյան արվեստը» գերմաներեն ուսումնասիրությունը, որտեղ հեղինակը պնդել էր, որ սելջուկյան արվեստը «հայկական արվեստի շարունակությունն է»: Այս հրատարակության ավարտից կարճ ժամանակ հետո ոստիկանությունը գիրքը վաճառատներից արագ հավաքեց, պրոֆեսորին ազատեց Կ. Պոլսի Գեղարվեստի ակադեմիայի ու գրականության ֆակուլտետի պրոֆեսորի պաշտոնից:
Որոնե՛ք և գտե՛ք Էռնստ Դիցի աշխատանքը, թարգմանենք ու հրատարակենք հայերեն, այլ լեզուներով, այդ թվում չինարեն, և դա կլինի Արմենոցիդի հաղթահարման ճանապարհի կարևորագույն ուղենիշներից մեկը, թերևս հայկական մշակութային-քաղաքակրթական վերակազմության հզոր ազդակներից կարևորագույնը»:
