ԱԺ պատգամավոր Արման Բաբաջանյանը ֆեյսբուքյան իր էջում գրել է.
Այցելեցի «Աբովյան» քրեակատարողական հիմնարկ, որտեղ իրենց պատիժն են կրում ութ տասնյակից ավել կանայք և անչափահասներ: Երկար զրուցեցի բազմաթիվ խցերում պահվող կալանավոր և դատապարտյալ կանանց և անչափահասների հետ:
Համավարակի այս ծանր շրջանում օրը երկու անգամ ախտահանվում են ՔԿ հիմնարկի բոլոր խցերը:
Հետաքրքրվեցի առողջական խնդիրներ ունեցող կանանց որպիսությամբ: Զբոսանքի, սնունդի և առողջության հետ կապված խնդիր գրեթե չկար:
Առանձին դատապարտյալ կանանց և մեկ անչափահաս պատանու գործերով առաջիկայում հատուկ կզբաղվեմ:
Դատապարտյալները հատուկ շնորհակալություն հայտնեցին «Արտլանչ» ընկերությանը, որը մարտի 1-ից սննդի նոր համակարգ է ներմուծել հիմնարկ:
Շնորհակալություն հիմնարկի տնօրինությանը և ՔԿԾ պետ Արթուր Գոյունյանին:
