Մարդկության պատմությանը հայտնի ամենամեծ մահաբեր համաճարակը եղել է այսպես կոչված իսպանական գրիպը («իսպանկա»): Առաջին աշխարհամարտին հաջորդած երկու տարում՝ 1918-19 թթ․, նրանով վարակվել է 550 միլիոն մարդ կամ երկրագնդի բնակչության 29,5 տոկոսը։
Տարբեր հաշվարկներով իսպանական գրիպից մահացել է մոտ 50-100 միլիոն մարդ կամ մոլորակի բնակչության 2,7-5,3 տոկոսը․․․
Իսպանական գրիպից են վախճանվել համաշխարհային մշակույթի մի շարք մեծ դեմքեր, այդ թվում՝ ավստրիացի գեղանկարիչ Էգոն Շիլեն, ֆրանսիացի բանաստեղծ Գիյոմ Ապոլիները, ֆրանսիացի դրամատուրգ, նշանավոր «Սիրանո դը Բերժերակի» հեղինակ Էդմոն Ռոստանը։