Տևական ժամանակ է, ինչ Էջմիածնի Մայր տաճարի վերանորոգման աշխատանքները ձգձգվում են կառավարության անգործության կամ, ավելի ճիշտ, չկամության պատճառով:
Նշեմ, որ վերանորոգման աշխատանքները շարունակելու և ավարտին հասցնելու համար անհրաժեշտ է, որ կառավարության լիազոր մարմնի կողմից կատարվող աշխատանքները բարեգործական ճանաչելու և հարկերից ազատելու մասին որոշում կայացվի: Իսկ այդ որոշումը կայացնում է կառավարության ենթակայության տակ գտնվող բարեգործական ծրագրերի համակարգման հատուկ հանձնաժողովը, որն ուսումնասիրում է հայտերը, և եթե դրանք համապատասխանում են գործող օրենքին, ապա հանձնաժողովը ծրագիրը բարեգործական ճանաչելու համաձայնություն է տալիս:
Այսինքն՝ այլ կերպ ասած՝ ցանկության դեպքում, ինչպես նաև հաշվի առնելով այն, թե ինչ մեր դերակատարում ունի Էջմիածնի տաճարը մեր երկրի համար, հնարավոր էր այս հարցին բավականին սեղմ ժամկետներում որևէ լուծում տալ: Սակայն բավականին տևական ժամանակ այդ ուղղությամբ որևէ քայլ չի ձեռնարկվել: Փոխարենը Տիգրան Ավինյանի ղեկավարած հանձնաժողովն ընդամենը օրերս բարեգործական է ճանաչել և հարկերից ազատել Սորոսի «Բաց հասարակության հիմնադրամներ» կազմակերպության ծրագրերը:
Փաստորեն, ստացվում է, որ «Նոր Հայաստանում» ժամանակ գտնվում է սորոսական կազմակերպությանն արտոնություններ տալու համար, իսկ Մայր տաճարի համար ժամանակ չկա…
Դե, երևի ոչինչ, որ մի քանի ամիս էլ պատարագները դադարեցվեն, կարևորը՝ սորոսականները երջանիկ լինեն…
Նոր Հայաստանի նոր լոգիկան...
