Մարդկային զոհերը հենց այն կարմիր գիծն էր, որը փորձում էին չհատել երկու երկրներն էլ: Այս մասին ֆեյսբուքյան իր էջում գրել է քաղաքագետ, միջազգային իրավունքի մասնագետ Սուրեն Սարգսյանը՝ անդրադառնալով ԱՄՆ-ի եւ Իրանի միջեւ տեղի ունեցող զարգացումներին:
Նա, մասնավորապես, նշել է. «Ամեն ինչ տեղի ունեցավ այնպես, ինչպես կանխատեսել էի... Ասել էի, որ գեներալ Սոլեյմանիի մահվան պատասխանը Իրանը տալու է: Մարդկային զոհերը հենց այն կարմիր գիծն էր, որը փորձում էին չհատել երկու երկրներն էլ: Կարմիր գիծը հատված է:
Երկու երկրների տարածքներում ռազմական բախումներ բնականաբար չեն լինի:
Իրանը պատասխան հարված կհասցնի:
Երկու պետությունների ազդեցության տակ գտնվող զինված միավորների բախումներ կլինեն:
Իրանի հրթիռների համար տարածաշրջանում ամերիկյան բոլոր ռազմաբազաները հասանելիության գոտում են:
Շահերի բախման հավանական կետերը կլինեն Լիբանանը, Իրաքը, Սիրիան եւ այլն:
Լավ կանխատեսում չունեմ»:
