Տպավորություն կա, թե ինչ-որ բան է կատարվում երկաթուղային հաղորդակցությունը Ռուսաստանի և Հայաստանի միջև վերականգնելու ուղղությամբ։ Չենք պնդի, որ այդպես է, բայց դիտարկենք փաստերը.
1. ԵԱՏՄ երևանյան գագաթաժողովից անմիջապես հետո, ուր հանդիպեցին Պուտինն ու Ռոհանին, չպլանավորված այցելությամբ, անսպասելիորեն Հայաստան է այցելում և վարչապետ Նիկոլ Փաշինյանի հետ հանդիպում «Ռուսական երկաթուղիներ» ԲԲԸ գլխավոր տնօրեն, կառավարման խորհրդի նախագահ Օլեգ Բելոզյորովը։
2. դրանից հետո Աբխազիան հայտարարում է Վրաստանի հետ սահմանը բացելու պատրաստակամության մասին,
3. մեր հավաստի ախպերների համաձայն, շուտով կվերականգնվեն Թբիլիսի-Մոսկվա ավիաչվերթները, որ ընդամենը վերջերս էին դադարեցվել Վրաստանի նախագահ Սալոմե Զուրաբիշվիլիի Մոսկվայի նկատմաբ կոշտ հայտարարություններից հետո։ Աէրոֆլոտը դեռևս ձեռնպահ կմնա, բայց վրացական ավիակամպանիաներին կթույլատրվի թռիչքներ իրականացնել ռուսաստանյան ուղղություններով։
Իհարկե, դեռ որևէ բան հստակ չէ, բայց եթե դա տեղի ունենա, ապա ակնհայտ է, որ զարգացումներն առարկայանում
են ռեգիոնալ կոնտեքստով և այստեղ երկաթուղային հաղորդակցության վերականգնումը զուտ հայ-ռուսաստանյան հարաբերությունների տիրույթում դիտարկելը այնքան էլ տեղին չի լինի։ Իսկ թե ի՞նչ է լինելու լինելիքը......հետևենք.......