Երգիչ, երաժիշտ, կոմպոզիտոր Վահան Արծրունին սոցկայքի իր էջում գրել է. «2015-ի իմ 5 համերգից կազմված համերգաշարի ընդանուր բյուջեն կազմել էր հենց 5 մլն դրամի մոտ գումար: 
     Այն անց կացվեց Երևանի 5 համերգային հարթակներում` Կոմիտասի անվան կամերային երաժշտության համերգասրահից մինչև Արամ Խաչատրյան դահլիճ, Հայաստանի կամերային նվագախմբի, Հայաստանի ֆիլհարմոնիկ նվագախմբի, մանկական երգչախմբի, լարային քառյակի, ռոք խմբի և մի շարք սոլիստների մասնակցությամբ ու անսպառ հանդիսատենի ներկայությամբ: 
     Ինչի համար ինձ, մեկ տարի առաջ, 5 ժամ հարցաքննում էր թավշյա ԱԱԾ-ն: Ուզում էր հասկանալ, այդ 5 մլն-ից ի՞նչ եմ «խուզել» ու յուրացրել: Վերջում ել քննիչը հուսահատ ասաց. ախր չեմ հասկանում՝ կես համերգի բյուջեով ո՞նց կարելի է նման հինգ տարաբնույթ համերգներ կազմակերպել։ 
     Ընդ որում, գումարը տրամադրել էր մասնավոր հիմնադրամ։ 
     Նույն 5 մլն ԱԺ-ի կողմից մեկ օրում ծախսվեց գորգ լնալու համար: Ու բնական է, որ այդ հիմարությունը նախաձեռնողներին ոչ միայն չեն կանչի պատասխանատվության, այլ հակառակը` կարժևորեն ու կխրախուսեն նմանօրինակ «նախագծերով» շարունակել դատարկել իմ ու ձեր հարկերով գոյացող պետ.բյուջեն: 
     Ի՞նչ ասես սրան... արդեն չգիտեմ»: