Հայաստանի ֆուտբոլի ֆեդերացիայի կանանց ֆուտբոլի բաժնի պետ Աննա Թադևոսյանը ֆեյսբուքյան իր էջում գրառում է կատարել․ «18 տարի անց Հայաստանը կրկին մասնակից ունի ՈՒԵՖԱ կանանց չեմպիոնների լիգայի որակավորման փուլում։ «Ալաշկերտ»-ի աղջիկներ թիմը վաղն սկսելու է իր ելույթները շատ կարևոր ստուգատեսում։ Այս ֆուտբոլիստուհիներն իրենց մասնակցությամբ արդեն շատ կարծրատիպեր են կոտրում, իսկ փոքր տարիքի աղջիկներին ճանապարհ են ցույց տալիս դեպի մեծ ֆուտբոլ։ Եկեք բոլորով հաջողություն մաղթենք մեր գեղեցկուհիներին։ Համոզված եմ, որ նրանք կցուցադրեն գեղեցիկ խաղ։ Միասին մենք կարող ենք հասնել ավելիին»։