Քաղաքագետ Ստյոպա Սաֆարյանը ֆեյսբուքյան իր էջում գրել է. «Ընդամենը 8 ամիս է, ինչ հեղափոխության թիմը իշխանության է թե՛ գործադիրում, թե՛ օրենսդիրում։ Ու բոլորս վախենում էինք, որ նոր իշխանությունը չի կարողանա կարճ ժամանակում արդյունքներ ապահովել։ Բայց արդեն անհերքելի է, որ դա անում է՝ առողջապահությունից մինչև ասֆալտապատում, ծրագրեր մարզերում։ Այո, օրենսդիրը դեռ աշխատանքով տեսանելի չէ, բայց առնվազն գործադիրին չի խոչընդոտում։ Մինչև ԱԺ լուծարելը նախկին իշխող ուժերը բրբրթացնում էին, թե ԱԺ-ն մի լուծարեք։ Պատկերացնո՞ւմ եք, թե ինչ կլիներ երկրում, եթե խորհրդարանը մնացած լիներ։ Չնայած, ենթադրում եմ պատկերացնում եք՝ նայեք դատարաններին, որոնք չփոխվեցին, նայեք արդարադատության ու այնտեղ կոնտրհեղափոխական վիճակներն ու հետևություններ արեք։ Նախկին իշխանության ներկայացուցիչների տեսողությունն էլ հո չի լավացել․․․ Ինչքան խնդիր ու ինչքան ծակուծուկ կա՝ այսօր տեսնում են․ ինչո՞ւ սա չի արվում, ինչո՞ւ հիմա չի արվում, ինչո՞ւ երեկ չէր արվել․․․ Ասես բոլորով աչքի վիրահատության են գնացել, ու այն, ինչ նախկինում չէին նկատում, այժմ տեսնում են․․․ Բա շուտ տեսնեիք, որ մարզերը անտեսված էին, որ մարզեր փող ու ծրագիր չի մտնում, ենթակառուցվածքներ չեն զարգացվում․․․ Այ, որ էն ձեր գեղվցիաքաղքենիական շորերը հագած Հյուսիսային պողոտայում քիչ վեր ընկնեիք, արտասահմաններում քիչ թրև գայիք, էն ժամանակ ադեկվատ լինեիք, ոչ թե այսօր, երկիրն էլ այս օրին չէր լինի ու մենք էլ ամեն փոքր բանից չէինք ուրախանա»։
