Բնապահպան Լևոն Գալստյանն, անդրադառնալով ՄԻԵԴ-ի՝ Հայաստանի կողմից ՀՀ քաղաքացի Յուրի Վարդանյանին 1 միլիոն 608 հազար եվրո վճարելու որոշմանը, ֆեյսբուքյան իր էջում գրել է. «Ամբաստանյալ Քոչարյանի հանցավոր բանդայի արածների համար շարունակում ենք վճարել:
Հայաստանի Հանրապետությունը պրն. Յ. Վարդանյանին եռամսյա ժամկետում պարտավոր է վճարել 1.600.000 (մեկ միլիոն վեց հարյուր հազար) եվրո գումար: Սա ավելին է, քան մինչ այսօր ՄԻԵԴ կողմից Հայաստանի դեմ կայացրած բոլոր վճիռներով փոխհատուցումների հանրագումարը։
Հյուսիսային պողոտան կառուցելու ընթացքում մարդկանց գույքային իրավունքների խախտմանն է վերաբերում այս գործը։
Մնում է հասկանալ, թե ինչո՞ւ պիտի մեր հարկերից վճարենք այս գումարներն, այլ ոչ թե այդ հանցագործներից բռնագանձենք»:
