Այսօր կառավարության նիստի ժամանակ ՀՀ վարչապետ Նիկոլ Փաշինյանը հայտարարեց, թե Երևանի Ազատության հրապարակում ինչ-որ մարդիկ, ինչ-որ ժամերի «ճռռիկներ» են անում, ավտոմեքենաներ են վարում մայթերով և սա որոշակի նպատակով է արվում, որպեսզի իմիտացիա ստեղծվի, թե երկրում իբրև թե հաստատված է անիշխանություն և չկա իրավակարգ։ Այնուհետև վարչապետը կոչ արեց այդ սևազգեստ խմբերի սև շորերի հարցը լուծել. ծաղկավոր «բաբոչկա» կապել և ճանապարհել վառ ծաղիկներով և ճանապարհել օրինական կյանքի:
Փաշինյանի հայտարությունից շատ չանցած՝ անմիջապես արձագանքեցին նախկին իշխանության ներկայացուցիչները:
ՀՀԿ խոսնակ Էդուարդ Շարմազանովը, մասնավորապես, իր ֆեյսբուքյան էջում գրել է.
«Ձերբակալությունից առաջ»:
Իր հերթին, ՀՀԿ փոխնախագահ Արմեն Աշոտյանը, ֆեյսբուքյան իր էջում սև շորերով լուսանկար հրապարակեց, որին կից անգլերենով գրել է.
«Սևազգեստ տղամարդը. մշտապես թրենդային»:
Դե, իսկ ՀՀ ԱԺ նախկին փոխխոսնակ Արփինե Հովհաննիսյանը, անդրադառնալով վարչապետի հայտարարությանը, ֆեյսբուքի իր էջում գրեց.
«Որ շաաատ խնդրեմ՝ կլինի՞ Վանեցյանին ու Օսիպյանին հանձնարարեք ծաղկավոր բաբոչկայի տեղ ծաղկավոր շարֆն էլ օգտագործեն»:
