Գագիկ Միրիջանյանը նշանակվել է Մ. Հերացու անվան Երևանի պետական բժշկական համալսարանի ռեկտորի խորհրդականի պաշտոնում: Այդ մասին նա տեղեկացրել է իր ֆեյսբուքյան էջում, գրելով.
«Սիրելի՛ բարեկամներ, ընկերներ և հարազատ մարդիկ…
Ստանալով Մ. Հերացու անվան Երևանի պետական բժշկական համալսարանի ռեկտորի խորհրդականի պատվաբեր և պատասխանատու պաշտոնը զբաղեցնելու առաջարկը՝ խորին երախտագիտությունս եմ հայտնում ռեկտոր, պրոֆեսոր Արմեն Աբգարի Մուրադյանին՝ բարձր վստահության համար: Շնորհակալություն եմ ցանկանում հայտնել պարոն Մուրադյանին այս պաշտոնին նշանակման համար:
Երևի թե գիտեք, որ իմ մասնագիտական առաջին քայլերը եղել են ԵՊԲՀ-ում:Մշտապես փորձել եմ կատարել ոչ միայն բժշկի, այլև մարդու առջև դրված պարտավորությունները:
Միանալով ԵՊԲՀ-ի կայացած, արհեստավարժ և հզոր թիմին՝ կլինեմ նրա անբաժան մասնիկը և կաշխատեմ ի շահ մեր բոլորիս սիրված մայր օջախի:
Հարգանքով՝
Գագիկ Միրիջանյան»
