01:44
«Մենք Արցախը կորցնելու, որևէ իրավունք չունենք»

Աշոտ Ասատրյանի հրապարակումը.

«Փաշինյանը մարտի 12-ին Արցախում կմասնակցի Ազգային անվտանգության խորհրդի արտահերթ նիստին։

 

Արցախի հարցը ամբողջ հայ ազգի հարցն է, որի լուծման համար չպետք է բաժանվենք տարբեր հատվածների։ Գոնե այս հարցի շուրջ բոլորը պետք է միակարծիք ու միմյանց օգնող լինեն, անկախ քաղաքական և այլ հայացքներից։

Թշնամին մեզ կոտորելուց հաստատ չի նայելու, ով ես, ինչ ես, ինչական ես կամ ումական ես։ Իսկ ազգերին առավել հեշտ է կոտորել, երբ նրանք պատերազմական իրավիճակում համախմբված չեն։ Երբ իրենք պատերազմը սկսում են օգտագործել անձնական հարցեր լուծելու համար։

Նման իրավիճակներում իշխանությունը պարտավոր է լսել ու քննարկել ցանկացած հայտարարություն կամ առաջարկ, որը օգուտ կտա հարցի լուծման։ Իսկ առաջարկ ներկայացնողներն էլ, անկախ իրենց քաղաքական կարգավիճակից, պետք է հասկանան, որ սա հերթական ներքին գզվռտոցը չէ, որ սահմանափակվեն միայն միմյանց հասցեին մեղադրանքներ հնչեցնելով։

Հայաստանը Արցախի անվտանգության երաշխավորն է։ Արցախը Հայաստանի պաշտպանությունն է։ Մենք Արցախը կորցնելու, որևէ իրավունք չունենք»։


 

Առաջարկում ենք նաև
Ամենադիտված
Լրահոս