Սուրբ Սարգսի տոնին ընդառաջ երիտասարդ աղջիկներն ու տղաները շտապում են աղի բլիթ ուտել՝ երազում իմանալու համար, թե ո՞վ է ապագա հարսնացուն կամ փեսացուն։
Դե ինչ, այս անգամ ձեզ կներկայացնենք աղաբլիթ պատրաստելու մի քանի պարզ բաղադրատոմսեր, որոնցով պատրաստելը ոչ միայն հեշտ, այլև հաճելի գործընթաց է:

1 տարբերակ

• Ալյուր – 80 գ
• Կաթ 40 – մլ
• Բուսայուղ – 2 ճ/գ
• Փխրեցուցիչ – 0,5 թ/գ
• Պապրիկա – 1 թ/գ
• Աղ – 1 թ/գ
• Շաքարավազ – 1 թ/գ
• Պղպեղ – ըստ ճաշակի

Ալյուրը խառնում ենք պապրիկայի, սև պղպեղի, փխրեցուցչի, աղի ու շաքարավազի հետ: Առանձին ամանում խառնում ենք կաթն ու բուսայուղը: Հեղուկ զանգվածը լցնում ենք չոր բաղադրիչների մեջ և խմոր հունցում: Խմորը գտնակում ենք, բաժակով շրջաններ կտրում, դնում յուղաթղթապատ ձևամանի մեջ և 200 աստիճան տաքացրած ջեռոցում թխում 15 րոպե:

2 տարբերակ

• Ալյուր –  220 գ
• Թթվասեր – 100 գ
• Կարագ 100 – գ
• Փխրեցուցիչ – 10 գ
• Աղ – 2 ճ/գ

Ալյուրը, աղն ու փխրեցուցիչը խառնում ենք, ավելացնում ենք կտրատած սառը կարագը և թթվասերը ու խմոր հունցում: Սեղանին ալյուր ենք ցանում և խմորը 0,5 սմ հաստությամբ գրտնակում: Կտրատում ենք, դնում յուղաթղթապատ ձևամանի մեջ և 200 աստիճան տաքացրած ջեռոցում թխում 12-15 րոպե:

3 տարբերակ

• Եգիպտացորենի ալյուր – 100 գ
• Ալյուր – 100 գ
• Բուսայուղ – 4 ճ/գ
• Շաքարավազ – 1 ճ/գ
• Փխրեցուցիչ – 1 ճ/գ
• Աղ – 2 ճ/գ
• Քիմիոն – 0,5 թ/գ
• Սև քունջութ – 0,5 թ/գ
• Քրքում – 0,5 թ/գ
• Կաթ – 80 – 100 մլ

Երկու տեսակի ալյուրները մաղում ենք, ավելացնում ենք աղը, շաքարավազը, փխրեցուցիչը, ինչպես նաև քրքումը: Զանգվածը լավ խառնում ենք, այնուհետև ավելացնում մյուս չոր բաղադրիչներն ու բուսայուղը: Վերջում լցնում ենք սենյակային ջերմաստիճանի կամ փոքր-ինչ տաքացրած կաթն ու խմոր հունցում: Գրտնակում ենք, 3-4 մմ հաստությամբ բլիթներ ենք ձևավորում և յուղաթղթապատ ձևամանում թխում 10-12 րոպե 180 աստիճան տաքացրած ջեռոցում:

4 տարբերակ

• Ջուր – 50 մլ
• Կարագ – 50 գ
• Փխրեցուցիչ – 2 թ/գ
• Աղ – 2 թ/գ
• Ձու – 1 հատ
• Ձիթայուղ – 2 ճ/գ
• Ալյուր – 320 գ
• Շաքարավազ – 1 թ/գ
• Քացախ –  1 թ/գ
• Սև քունջութ – 2 ճ/գ

Ալյուրը մաղում ենք փխրեցուցիչի հետ, ավելացնում աղն ու շաքարավազը և խառնում: Զանգվածի մեջ ավելացնում ենք խորանարդաձև կտրատած սառը կարագը և ձեռքերով մանրացնում (պետք է արագ կատարել, որպեսզի կարագը չհալչի): Ալրային զանգվածի մեջտեղում անցք ենք անում և մեջը լցնում ձվի սպիտակուցը, ձիթայուղն ու քացախը, աստիճանաբար ավելացնում ենք ջուրն ու խմոր հունցում: Խմորը 10 րոպեով տեղափոխում ենք սառնարան, այնուհետև հանում ենք, 4 մասի բաժանում և յուրաքանչյուր մասից խողովակներ ձևավորում: Խողովակները կտրատում ենք, վրան քսում դեղնուցի ու 2 ճ/գ ջրի խառնուրդը և լցնում քունջութը: Բլիթները տեղափոխում ենք յուղաթղթապատ ձևամանի մեջ և թխում 190 աստիճան տաքացրած ջեռոցում 150 րոպե:

5 տարբերակ

• Ալյուր – 150 գ
• Ջուր – 60 մլ
• Բուսայուղ – 3 ճ/գ
• Փխրեցուցիչ – 0,5 թ/գ
• Շաքարավազ – 0,5 թ/գ
• Աղ – 1,5 թ/գ
• Քունջութ – 2 ճ/գ

Խառնում ենք բոլոր չոր բաղադրիչներն ու ավելացնում ջուրը և բուսայուղը: Լավ խառնում ենք և խմոր հունցում: 2-3 մմ հաստությամբ գրտնակում ենք, սրտիկներ կտրում և բուսայուղապատ ձևամանի մեջ թխում 10-15 րոպե 200 աստիճան տաքացրած ջեռոցում:

Ընտրեք Ձեզ առավել դուր եկած բաղադրատոմսն ու պատրաստեք շատ համեղ աղի բլիթ։