Հեղինակային իրավունքի մասին օրենքում վտանգավոր փոփոխություններ են նախապատրաստվել։ Վտանգ կա, որ Հայաստանում հրատարակիչը սեփական նախաձեռնությամբ գիրք էլ չհրատարակի։ Այս փոփոխությունները հնարավորություն են տալիս գրքի հիմնական գնորդին՝ գրադարանին պատճենել գիրքը և էլ լրացուցիչ անհրաժեշտ քանակ չգնել։
Մյուս կողմից գրադարաններին իրավունք է տրվում իրար մեջ գրքերի ժամանակավոր փոխանակում կատարել։ Կստացվի, որ Հայաստանի մեկ գրադարան մեկ գիրք կգնի ու հետո կփոխանակեն ու կպատճենեն։
Այս փոփոխությունների մասին մի երկու տարի առաջ եվրոպական երկրներում էլ էին խոսում, բայց այնտեղ ուժեղ գրողական և հրատարակչական համայնքներ կան, որոնք փոզմիշ արեցին այս հակահեղինակային նախաձեռնությունը։
Հայաստանում այս առումով էապես բարդ է՝ փոփոխությունների նախաձեռնողի գրանտային միջոցները անհաղթահարելի են խեղջ գրողական և հրատարակչական համայնքների համար։ 
Առանց այն էլ հայաստանցի հեղինակներն ու թարգմանիչները մեծ բան չէին ստանում վաճառվող փոքր քանակների պատճառով՝հիմա սրանից էլ զրկե՞նք։