Մեր ցուցակի առաջին տասնյակից յուրաքանչյուրը կարող էր լինել ցուցակի առաջին համարը:
Մեծ պատիվ է լինել առաջին փոխնախագահ մի ուժի, որը մեր անկախության հասակակիցն է, և որի առաջնորդներն են եղել Աշոտ Նավասարդյանը, Վազգեն Սարգսյանը, Անդրանիկ Մարգարյանը, և այսօր Սերժ Սարգսյանն է:
Նրանք, ովքեր քարոզարշավում կենտրոնանան մեզ քննադատելու վրա, փորձելու են միավորներ վաստակել անցյալի հետ պայքարելու և ոչ թե ապագան կառուցելու տեսլականի շուրջ: Մեզ քննադատելու հարցում նրանք բոլորը զիջում են Նիկոլ Փաշինյանին, հետևաբար նրանք, ովքեր ցանկանում են առաջիկա ընտրություններում կենտրոնանալ անցյալի հետ կռիվ տալու վրա, պետք է ձայն տան Փաշինյանին: Բոլոր նրանք, ովքեր ցանկանում են հակակշռել միաբևեռ խորհրդարանը և զբաղվել Հայաստանի վաղվա օրով, բնական կերպով քվեարկելու են ՀՀԿ-ին, որը միակ ուժն է, որ մատնանշում է և շարունակելու է մատնանշել Փաշինյանի կառավարության բացթողումները: